دانلود آهنگ بهرام دارا شو چِلَه

شُو چِلَه مِه گیسِ دِرازِ تونَه
قِبله مِه چَشِ پُر دِ رازِ تونَه

پِستَه خِجالَت بیَه تِه لُوئِه تو
سُوختَه زِمِسو دِ تَشِ تُوئِه تو

گَرمَه حُونَم وا دَنگِ لُو خَنَه یات
سَردیِ جُو،جُو میکِنَه زیرِ پات

شُو چِلَه مِه،چَشِ رَنگینِ تُونَه
عَقل و دِلِم بَردَه وِ دینِ تُونَه

هولِ زِمِسُو دِ دِلِم نی کِه نی
هیچکَه چی تو وِ دِلِم نی کِه نی

وا تو بِهارِم کِه هَمَش گُل میکِم
هَر دَسینِه سیت بیا کُل میکِم

شُوقِ مِه سی چَشِ تو تا مُردِنَه
هوشِ مِه دو چَشِ رَنگی بُردِنَه

دونِ اَنارَه لوئِه خوشرنگِ تو
زَنگِ دِلِم میزِنَه وا دَنگِ تو

او لوئِه تو شاخِ نِواتِ مِنَه
بی چَشِ تو عمر،نِهاتِ مِنَه

شُو چِلَه و عیدِ مِه نومِ تونَه
پا دِلِ مه گیر دِ دُومِ تُونَه

شُو چِلَه مِه گیسِ درازِ تُونَه
عُمرِ مِه وابَستَه وِ نازِ تُونَه